و اللة الراجل الى اخترع كدبة ابريل دة راجل غريب جدا و اكيد يا كان مبرشم يا اما كان راجل كول على الاخر لأنة فى الحالتين لا يمكن يكون عايش او بيتعامل مع بنى أدمين فالعادى و الطبيعى ان الواحد يكدب مين فينا مبيكذبش اقل من كدبتين فى حياتة اليومية كذبة ييضا بقى كذبة سودة مش حتفرق كتيربص بص اديك بتكدب و بتقول انا مابكدبش امال لية امبارح قلتى لماما معلش يا ماما هاتيلى كباية مية اصل صباع رجلى الصغير مفأفأ و انت امبارح لما كنت مع صحابك على القهوة و المزة كلمتك مش قلت معلش اصل بابا جتلة جلطة و اختى اتشلت و اجبرت انى اوديهم المستشفى و انت يا ولد يا للى هناك انت مش المدرسة سألتك معملتتش الو اجب لية قلتلها أصل ماما اتخنقت مع بابا و رمتة بشنطة المدرسة فالشنطة طارت من الشباك قاال يعنى الست الولدة معندهاش شبشب تضرب بية السيد الوالد علشان كل الاسباب الى انا قلتها مش مفروض نخصص شهر للكذب
احنا لازم نخصص يوم للصدق و متخفش مش حتتكشف لأن مفيش حد حيصدق انك بتقول الحق
هناك 12 تعليقًا:
التعليق الأووووووووول
يارب ياساتر
فيه مثل بسمعه بس مش مقتنعه بيه
بيقول كدب مساوى ولا صدق ملخبط
أنا بأه شايفه إنى أقول الصدق ولو
60 متلخبط اللى عايز يصدق
يصدق ولا مش عايز
فيبقى العيب فيه
مش فيا
وبعدين فى حديث عن الرسول بيقول
تقريباً إن الصدق يهدى إلى البر
وإن البر يهدى إلى الجنه
هو فيه أحسن من الجنه
كفايه كدا كلام
سلااااااام
تعرفى فعلا حتى لو قولتى الصدق محدش هيصدقك
ولو صدقوكى هيقولو عليكى عبيطه مش بتعرفى تمشى امورك على اساس ان الصدق بقى اول علامات العبط .
وبعدين اول ابريل دة بقى هو اليوم الوحيد اللى الكدبه فيه مش مقنعه زى باقى كدبات السنه
وانا اقترح معاكى يبقى فيه يوم للصدق وارشح ليكى يوم 31 فبراير
كلام جميل يا فيس مون
وانا معاكي فيه
نعمل يوم للصدق
ونرفع فيه شعار تيجوا منكذبش
شعار جميل
الى الامام دائما وربنا يوفقك
طب وبعدين معاكي بقى طلعتي المجتمع كله كذاب
حقيقى هو فى ناس كتير كذابين فعلا وللاسف فى ناس بتكذب لمجرد الكذب يعنى مش لاي هدف زي ما يكون كيف عندهم الكذب
والا يا اختي الكذب على النت يا ابوياااااااا قانون انه يكذب مش عارفه ليه
بس بقى انا بجد بجد ما باكذبش خااااااالص مش كلام حقيقى
انااي حد يسالنى على حاجه تلاقينى ادب اقول على طول حتى لو كنت ناويه ما اقول حاجه تانيه كنوع من المجامله مثلا او كده يعنى
تلاقينى اقول من اول قلم على طول .
وربنا يعافينا من الكذب يارب
وانا ليا مبدأ اكذب على مين ؟؟؟ مين فىا لدنيا يستحق انى اكذب عشانه خوفا منه اوه طلبا وده ؟؟؟ وفى المقابل اغضب ربنا ؟؟؟؟؟؟؟؟؟
شكرا يا جميل على البوست
بقى من زمان بسمع ان الكدب ملهوش رجلين ومش عارفة ليه ملهوش رجلين يعنى عشان مش بيمشى ولا ايه ماعلينا
بس ده حقيقى انك لو كدبة مهما نجحت فى اقناع اللى قدامك بكدبك مسيرك هتتكشف ليه بئا لان اللى بيكدب مش بيكدب على شخص واحد بيكدب على اكتر من شخص وبالتالى بينسى كدبته او بينسى هو قال الكدبة دى لمين بالظبط يعنى بأختصار الكداب نساى
اما عن كدبة ابريل مش عارفة ليه خصصو يوم للكدب ما طول السنة الناس بتكدب
واكدب عليكى لو قلت مكدبتش قبل كده هههههههههه
بس انا اخيب وحدة تكدب لانى بتكشف بسرعة وبيبان فى لجلجة لسانى وتعابير وشى انى كدابة
تحياتى ياغير كل البنات بجد مدونتك رائعة دى مش زيارتى الاولى لانى زرتها قبل كده بس ما اسعفنيش وقتى اكتب تعليق ومش هتكون زيارتى الاخيرة اكيد
دومتى بخير
انا معاكى تماما ان يوم للكدب ده حاجة غريبة جدا ، ده على اساس ان مفيش كدب طول السنة ، ولا يمكن اليوم ده عشان نجمع فيه حصاد السنة من الكدب مثلا
وخلينى اؤيد فكرتك عن يوم للصدق ويكون من شروطه ما حدش يكلم ، نسيب العينين هى اللى تكلم ، ده فى رأيى قمة الصدق
والله معاكى حق
ده اكيد كان راجل مثالى اوى
كان صادق اوى طول عمره لدرجه انه عمل يوم سمح لنفسه فيه انه يكدب
اجنا مفروض فى الايام دى نعمل يوم للصدق
مش للكدب,احنا كل حياتنا كدب اصلا
والله يابنتى معاكى بس تقولى لمين
احنا كده مش بنشطر ونقلد غير الحاجات التافهه
فى حد يعمل يوم لحاجه ذى دى
ما نعمل ايام لحاجات حلوه
حاجه غريبه
تحياتى
ايه ايه ايه.....يوم للصدق
يعنى نعمل صدقه مايو مثلا.....على غرار كدبه ابريل
دى فكره منيله بستين نيله
انتى عاوزة كل الستات تعرف ان اجوازها تعرف غيرها
وكمان كل الرجاله تعرف ان ستتها معجبين برجاله تانين؟؟؟
يانهار مالوش الوان
بصراحه اقتراحك ممتاز بس اكون انا مسافر فى اليوم ده
هههههههههههههههههههههههه
البوست بتاعك جميل والله
تحياتى
ههههههههههههه
دايما مفاجأنا بخفة دمك و بوستاتك..بس المرة دى ليكى عندى انا بقى مفاجأة....تعالى خدى التاج بتاعك من عندى هدية منى ليكى
تحياتي
الموضوع مهم...و اسلوبك ظريف و رقيق
و ياريت كل ايامن تبقي صدق...لان من
خلق المسلم الصدق....و الصدق منجاه دائما....يعني يوم واحد صدق " مش كفاية"....مع الاعتذار لحركة" كفاية ".
الصدق اساس السعادة في الدنيا و الاخرة...و نحن تناسينا هذه الصفة الحميدة المطلوبة في ديننا...و الكذب اصبح هو حياتنا اليومية.
تحياتي و دمت بالف خير.
ههههههههههههههههههه
مش بقولك انتي سكر
تصدقي عندك حق
الكدب اصبح هو العادي
و الصدق هو النادر
بوست زي السكر لان صاحبته سكره
الي الامام دائما حبيبتي
إرسال تعليق