الأربعاء، 19 مارس 2008

انا غير كل البنات بجد ولا كدة وكدة



انا غير كل البنات .......... نفسى اعرف لية بقى
انا فى رأيى انى بنت عادية جدا زى اى بنت فى الدنيا بس بحاول ابقى غير كل البنات بحاول الاقى لنفسى حاجة اتميز فيها وبصراحة دى حاجة صعبة اوى فى البلد دى بلد متعبة صحيح الناس بتاخد من المظاهر عشان ابقى غير كل البنات لازم اتميز فى حاجة وبصراحة جربت اتميز فى التعليم بس برضة للأسف مطلعش تعليم طلع بطيخ ...صحيح انا نفسى فى البطيخ هو راح فين بقالى كتير مش شوفتة ما علينا كنا بنقول اية ؟؟ اة فى البطيخ قصدى فى التعليم منفعتش اتميز فيه قلت اشوفلى حاجة تانية اعك فيها دخلت فى كورسات واخدت كورسات كتير لما قربت اعلن عن افلاسى وبرضة مافيش فايدة مش لاقية نفسى فى حاجة جربت اتميز فى الطبيخ قلت يمكن لما اللى مامتة دعيالة قصدى العريس يجى اكون بعرف اعمل حاجة جربت اطبخ وعينكوا ما تشوف الا النور لخبطت الدنيا بس الحمدلله بعرف اعمل نسكافية وكابتشينو كفاية علية كدة بس الحاجة الوحيدة اللى تقريبا نجحت فيها هيا الصداقة ربنا يخليلى اصحابى الحلوين هما اللى فى الاخر عارفين قيمتى وعارفين انا لية غير كل البنات بس للأسف مش عايزين يقولوللللللى ياترى حد فيكوا يعرف ؟؟؟؟؟

هناك 3 تعليقات:

ROSHA يقول...

ياحبيبتى انتى واللى زيك اكيد غير البنات التانيه بتوع الزمن ده
اللى بتوع مامى وبابى حتى ولو كنتى بتاخدى كورسات وبتقولى انك فشلتى الدراسه ليه خير حضرتك مانتى متفوقه ماشاء الله فى كل حاجه
بس هو فاضل ابن اللذين العريس اللى حالق ومن غير شعر ده ربنا يجيبه بالسلامه ان شاء الله
وربنا يخليلك اصحابك وسلميلى عليهم اوى

داليا محمد يقول...

اه يابنتى والله الواحد لحد دلوئتى وبعد 23 سنه ماطلعتش غير بأصحابى بحبهم جدا والحمد لله بيحبونى ودايما يقولولى انتى كان المفروض تكونى من الناس بتوع الثلاثينيات ههههههههههههههه

FaceMoon يقول...

روشا :
ربنا يخليكى ياروشا ياحبيبة قلبى وميرسى على كلامك الجميل بترفعى من معنوياتى وحتشينى خالص يابت انتى

داليا :
هههههههههه تلاتينات دى انتى عجوزة اوى ياداليا بقى يبقى اكيد مش اختى التوأم انا لسة صغنتوتة ههههه ربنا يخليلك اصحابك يارب ويخليكى ليهم