اخووووووووووويا بيعمل كبير ياجدعان
اخويا المفعوص اللى مطلعش من البيضة بيزعق ويشخط فى البيت فاكر نفسة سى السيد حضرتة
تقولولى لية بيزعق كدة اقولكوا انا بقى اصل الموضوع كبير هو اصلا اتربى على كدة بابا كل شوية يقولة اية
انت راجل البيت ؟؟ نعم نعم ياسى بابا البتاع دة يبقى راجل البيت وهو اصلا اصغر منى بعشر سنين البتاع دة يزعقلى انا
نفسى اصرخ فيهم كلهم واقولهم فى وشهم انا غيييييير كل البنات مش حستسلم مش حنسلم مش حنبيع مش حنوافق عالتقطيع على رأى عادل امام فى فيلم مش عارفة اسمة ..
الرجولة ياجدعان مش تحكم مش سيطرة الرجولة شهامة وشخصية صح واراء مفيدة ونصايح سعيدة فكرتونى بأعلان زمان وانا صغيرة كنت بتفرج عليه بيقول " الراجل مش بس بكلمتة الراجل برعايتة لبيتة وأسرتة " يارب يااخويا تتطلع زية وتراعينا والتربية المتناقضة دى متجيش فوق دماغنا ادعوا معانا نردهالكوا وقت زنقة ان شاء الله ...... وسلاموز
هناك 3 تعليقات:
ههههههههههههههههه
ياستى ربنا يسترها معاكو انشاء الله
احسن الموضوع ده فعلا صعب اوى انا معنديش اخوات ولاد
بس واحده صحبتى بتعانى من الموضوع ده مع اخوها اصغر منها وبيشخط وحتى كوباية الميه هى اللى بتجبهاله
والله الرجاله فاهمين غلط شوفوا الرسول ص
كان بيعمل ايه وكان معنى الرجوله عنده ازاى؟؟ ربنا يهدى بئى
المشكلة مش فى اخويا كمان المشكلة فى التربية بتاعتة انا حاسة ان فيه تناقض رهيب بين التربية ما بينا ودة اللى ناقطنى وغايظنى بس يلا حعمل اية
واحسن برضة انك مش عندك اخوات ولاد بس ممكن تاخدى اللى عندى شوية تجربى يلا ياستى مش حرماكى من حاجة
Thank you for your wonderful topics :)
إرسال تعليق