طفلة انا احب ان العب فى كل مكان
واحب ان اعبث بالالوان
واداعب الشمس والقمر فهم عندى سيان
واقرأ كتاب به حكايات وحواديت اطفال زمان
وارسم واصنع اشكال بالرمال
وان اشاهد السماء واشكال السحاب
واتفرج على توم وجيرى وسندريلا وطرزان
واتبسط وابقى سعيدة لو شوفت فوازير نيلى وشريهان
واسلم واخد اصحابى بالاحضان
واخدهم ونروح ناكل روز بالبن وبونبون كمان
ونلعب كتير لحد ما يشتكوا مننا الجيران
واغمض عينى وافتحها الاقينى كبرت فجأة وبدون انزار
وابص حواليا الاقى الدنيا اتغيرت حتى الاطفال بقوا حاجة جنان
و اصحى على صوت ضوضاء وزعيق فى كل مكان
اصحى تعبانة وكسلانة واكون عايزة انام اكتر كمان
البس هدومى فى كسل وزهق والاقى الوقت بيجرى زى الرهوان
انزل بسرعة واشوف حاجة توصلنى لحد المكان
اوصل شغلى وافتح ورقى واجيب قلمى واطلب شاى من عم سلطان
وابص حواليا الاقى الناس بتجرى فى كل مكان وبتزعق على الفاضى والمليان
بيجروا ورا المصالح وعايزين يعيشوا فى ذل وهوان
زهقت خلاص طهقت ومش قادرة اسمع اى كلام
زهقت خلاص طهقت ومش قادرة اسمع اى كلام
اسد ودانى ولا اقول كفاية ياجدعان
واقول امتى اللى كان يرجع يازمان
عشان اقولة .... لست سوى طفلة تريد ان تلعب بالالوان
هناك 29 تعليقًا:
الطفوله فى السن الكبير طفولة القلب و الروح
جميل ان الواحد يستحضر الطفل اللى جواه من وقت للتانى علشان يخفف من كم الهموم
امال انا بقرا ميكى ليه علشان اغسل مخى من الفرسه بتاعة اليوم كله
ههههههههههه
طفله ....يعني بريئه
ودي نعمه ربنا يدمها عليكي يارب
حياه لا مشاكل ولا هموم
حياه بجد جميله
الايام تمضى و الطفولة تمر و
لا يبقى الا الذكريات الجميلة
جميل روح الطفلة انها تطلع تحاول تخفف من ضغط الحياة
اجمل حاجة ان الانسان يعرف يعبر عن اللى جواه ... الحياة جملية واجمل ما فيها الاطفال .
تحياااااااااااااى
انا مره كتبت بوست اسمه اتركنى يا عمرى
وقلت فيه
لماذا سرقتنى من الحياه
لماذا سرقتنى من طفولتى
انى اريد طفولتى واريد براءه الاطفال التى سرقتها انت
لا اريد ان ابقى فى هذا الزمن مع هؤلاء الكبار
السلام عليكم ورحمه الله وبركاته
كلمات رائعه وصفتى بها احاسيس كلا منا يتمنى ان لو أستمر معه
وفقكم الله وادامها عليك
هههههههههههههههه
الله عليكى بجد
بوست هايل
اتمنى تنورينى
الواحد لازم يعيش طفل
اما يجيله كل الامراض المستعصية وغير المستعصية يابنتى
انتى صح
اتمنالك التوفيق
اجمل ايام ايام الطفولة
تحياتى لكى
الدنيا اتغيرت ودلؤتى الاطفال تفكيرهم اكبر من سنهم بكتير
كتير الواحد بيهرب من حياته بانه يفتكر زكرياته واجمل الاوقات بالنسبه لاى انسان هيا فتره الطفوله بالذات عشان فيها انطلاق فيها صدق فيها حريه مفيهاش قيود بس العاقل الى يعيش حياته كانه طفل لانه الطفوله جوانا مهما كبرنا حلو اوى البوست ده
كلسن وليه جماله وحلاوته
الطفوله ليها جماله وحلاوتها
وفتره الشبابليها جمالها وحلاوتها برضو بس المهم نحسبيها ونستمتع بيها
انا كمان عايزه العب معاكى
خديى جنب كده خلينى اقعد جنبك
و معايا كمان علبه الوان
علي فكرة انتي ممكن جدا تبقي طفلة في صورة امرأة كبيرة بردة دة لا عيب ولا حرام بالعكس دة هو المطلوب ياريت الواحد يفضل طفل فيه براءة ونقاء وصدق مشاعر الأطفال
تحياتي ليكي وسلامي لعم سلطان
ياريت كل الاطفال عندها البرائه دى
احنا بقينا فى زمن حتى الطفوله استخصروها علينا و عل اطفالنا و عجبى
موضوع جميل اوي يا وجه القمر
الطفوله اجمل ايام عشناها
وياريت كلنا نرجع اطفال
انا بقي فاضلي اربع ايام وابقي طفل
عقبال عندكم :))
جميلة اوى ..
فيها وصف متدرج لحالك منذ ان كنت طفلة ..مش عارفة انتى تقصدى ولا هى جت كده ..بس هى على العموم حلوة :)
على فكره الراجل بالذات بيكون عنده إحساس دائم إنه طفل خصوصا لو كان بيحب وحده حلوه بيكون عامل زي الطفل
كمان مرحلة الطفوله بكل ما فيها من براءة شئ جميل لكن لما نكبر بلاش نفكر نرجع أطفال تاني علشان منتفهمش غلط
ياريت تزوريني وتشرفيني
قبل المضمون فانتي غلطتي غلطة شنيعة
اللي هيا كام سطر فصحى وكام سطر عامي والمفروض انهم نص واحد
ده حاجه
ثانيًا مسار النص نفسه .. جميل جدًا وبيمثل حلم لكل شخص عاش الحياة السوداءاللي عايشينها
ثالثًا مش لازم ترتبطي بوزن معين عشان القصيدة تبقى مظبوطة .. انا ملاحظ ان الوزن عندك لازم يكون آن وخلاص .. لو اتحررتي من موضوع الوزن ده هتلاقي نص أجمل بكتير
بس متعقديهاش كده
سلام بقه
امتى اللي كان يرجع يازمان
احب ابشرك مش هيرجع
تقبلي مروري
ما احلى الاحساس بالطفولة
بالبراءة فى زمن الحداقة
تحياتى
عارفه انا طفل من يوم ما اتولدت لحد دلوقتى وبحب انى اكون كده لانها اسمها حريه ؟
اجمل ايام في حياتنا هي ايام الطفولة علشان كلها براءة ,واقول لأصحابي لو فكرنا ان احنا كبرنا هنتعب , عيش الطفل اللي بداخلك علشان يهون عليك كتير
للتواصل
البوست الجديد ( امرأة من زمن العزيز )
ههههههههههه
دا راب ؟؟
جاااامد
بس الاسف الواحد في ظل الانشغال والحياة بينسى الطفل اللي جواه بينسى يرعاه..
تحياتي ع البوست
قول للزمان ارجع يا زمان اجمل ايام العمر التى لا تأتى مره اخرى الطفوله واحلى الاوقات دايما بتعدى بسرعه ومش بتيجى تانى
تحياتى ولاء
ما اجمل الطفوله وما اجمل ايمها وما اجمل رئتها وما اجمل ابتسمتها ايامها ممتعه تتحس من كل اجهات
بوست رائع جدا جدا اتمنا المزيد
واتمنا تشريفك مدونتى
ياريتني أرجع طفل عشان هيفا ونانسي يغنولي
مجنون ..مجنون..و جنونى باختيارى..بصرخ بعلو صوتى يا عواصم انهارى
مجنون بحب البشر..مجنون بحب الناس..مجنون لانى ما فقدتش الاحساس
فكرتينى بالغنوة الجميلة دى ... و بجد مفيش احلى من الانطلاق و اللى الطفولة رمزه...قبل ما نتعلم نمشى جوا الحيط ولا نلبس ماسكات و لا الحاجات اللى جايبانا ورا دى
تحياتى
والله انتي بهرتيني مدونتك مسلية أوي
إرسال تعليق